India ram puma basketball inelna lian 71st Senior National Basketball Championships Men & Women chu April 3 a\angin Nehru Stadium, Chennai-ah khelh a ni dawn a. He inelnaah hian Mizoram Basketball Association chuan North East a champion Mizoram mipa team vawiin hian a tir chhuak.
Basketball Federation of India buatsaih inelnaah hian India ram pum hi zone nga a \hen a ni a – North Zone, South Zone, East Zone, West Zone leh North East Zone ah te then a ni.
North East champion Mizoram bakah team 15 dang an tel ang.
Group li-ah \hen an ni dawn a, Mizoram hi Group C-ah an awm a, an inkhelh dan tur hi team te thlen khawm hnuah puan a ni ang.
Mizoram an inpeih
Mizoram hi North East Zone-ah nikum December thla khan an champion a, he team a kal player-te an kal leh dawn. Covid 19 hrileng inkaihhruaina in inbuatsaihna a nghawng a, mahseHawla Indoor Stadium, Republic Vengthlang ah team anga practice neih theih veleh ngawrh taka kalpui a ni.
Mizoram head coach KC Lalliantluanga chuan, “Mizoram basketball team atana kan player neih \hat ber ber te kan hruai leh dawn a ni a, a phurawmin kan chak tawh hle.”
“Kan theih china a tha leh sang berin kan inpuahchah avang hian Pathian malsawmna kan dawng ngeiin ka ring tlat.”
“Kan player zingah100% fit lo deuh leh hrileng avanga buaina deuh kan neih avang hian Mizoram mipuite min \awng\aisakna kan mamawh nasa dawn hle. Mizoram mipuite \awng\aipuina leh kan theihtawp chhuah chungin Mizoram tan mellung thar rawn neih ngei kan inbeisei tlat a ni.” tiin mipa team dinhmun a sawi.
Squad List
- Lalrina Renthlei (C) – Tuikhuahtlang
- F. Zodinthara (VC) – Tuikual South
- Vanlalthazuala – Bungkawn
- Zonunsanga – Ramthar
- Zonunsanga – Tuikhuahtlang
- Vanlalrinchhana – Zotlang
- Lalnunpuia Renthlei – Bungkawn
- Dennis Lalmuanpuia – Dawrpui Vengthar
- K. Lalfakzuala – Mission Veng
- R. Lalfakawma – Leitan Veng, Durtlang
- Michael Liansanga – Serchhip
- Matthew Remtluanga Sailo – Zarkawt
Coaching Staff:
Manager – K. Zorammuana, Kolasib/Bawngkawn
Coach – KC Lalliantluanga, Armed Veng South
Asst. Coach – Lalruatfela, Dawrpui
Group A:
Punjab, Gujarat, Kerala, Telangana.
Group B:
Uttar Pradesh, Karnataka, Rajashthan, Services.
Group C:
Tamil Nadu, Uttarakhand, Delhi, Mizoram.
Group D:
Madhya Pradesh, Haryana, West Bengal, Indian Railways.