Manchester United midfielder Bruno Fernandes chuan contract thar a ziak a, United-ah kum 2026 thleng a cham dawn.
Kum 27 mi hian kum 2020 January thla khan Pound maktaduai 47 in Manchester United hi a zawm a. Contract thar a ziahah hian kum khat ziah belh theihna a awm.
United tan player pawimawh ni nghal thuaiin Fernandes hian match 117 a\angin goal 49 a khung tawh a. Midang goal khung tur vawi 39 a siamsak tawh bawk.
United team-ah season laihawl a\ang chauh a khel nimahsela a season hmasa berah Matt Busby Player of the Year award a dawng nghal a. Season hmasa pawn he chawimawina hi a dawng nawn.
“He club-ah hian hlawhtlinna tam tak neih belh ka duh a, hei hi kan squad leh staff te duh ber pawh a ni. Thildang zawng aiin fans ten an phu em em hlawhtlinna an tan neih kan duh.” tiin contract thar a ziah hnuah a sawi.
Manchester United football director John Murtough chuan, “Bruno hian kan club ang bawkin tum sang tak a nei a, a tum a ruh hle bawk a. Champion chuh thei zinga kan tel lehna tura mi pawimawh a ni a, ani hian kan tum ram min hruaikai thei ang.” a ti.