Bank lamin pawisa thîr an dawng duh lo ṭhîn nia sawi chu thil hriatchian loh vâng a nih thu leh ṭumkhata dawn theih zât bithliah a awm thu leh chumi ang chuan an dawn reng thu bank lam hotu ten an sawi.
Lawngtlai district consultative committee (DCC), District level review committee (DLRC) leh District level security committee (DLSC) thutkhawma tel Bank lam aiawh ten he thu hi an sawi a. Pawisa thir chu bank-in inkaihhruaina leh kalphung a neih angin Rs. 100 bikim zela an dawn theih reng thu an sawi a. Chengkhat thir a nih chuan chengkhat thir hlir 100 bikim zelin, cheng hnih thir a nih pawhin cheng hnih thir hlir Rs. 100 bikim zelin, chutuang zelin cheng nga thir leh cheng 10 thir te pawh Rs. bikim zelin a ngai a, cheng khat thir, cheng hnih thir te, cheng nga thir te, cheng sawm thir te tih pawlh loh tur a nih thu an sawi.
He thutkhawma tel Bank lam aiawhte chu- an pawisa thîr hman a harsat chungchâng leh dawrkai ten an dawng duh lo nia sawi awm thin chungchang pawh sawiin, pawisa thîr chu sorkarin hman tûra a siam a nih avângin dawn leh hman a hlauhawmloh thu leh, a dawng duh- lo chu dân anga hrem theih an nih zawk thu an sawi a. Pawisa chu lehkha aia thîra siam a hautak loh zawk avangin thir herchhuah a tam tulh tulh thu sawiin, pawisa thîr chu pawisa leng vel atana ruahman a nih thu an sawi.
Pawisa thîr hmanloh chuan dâwr thil leh chawhmeh man bulṭhut (base price) a tihsân dân leh pawisa nawi awm loh chh- uanlama pawisa nawi aia thil zawrh lai dang inkîr mai te a tihhluar thu te, chu chuan tul lova mipui sum hman ral a tihpun thu te an sawi bawk.