MPCC President Lalsawta chuan kum thara inthlanpui lo awm turah an sorkar a nih chuan MLA hlawh duhtawk lote chu Congress-a an awm a \ul lo tih a sawi.
Congress Party-in Mizoram chhim lam tlawh a ‘Chhim hrut fehchhuah’ hun an hman zawh hnuah April 1-2, 2022 khan Mamit district lam hrut lehin Mamit, Zawlnuam leh Kawrtethawvengah vantlang inkhawm an buatsaih.
Heng hunahte hian thu sawiin Congress party president chuan mihring ngai reng hi nasa taka a insiam \hat theih a, nasa takin a danglam theih tih sawiin, “Kan danglam thei ang tih hi ka ring tlat. Pathian zarah kan sorkar a nih chuan a hma aia \ha zawk tura insiam danglam thei miah lote chu kan mamawh dawn reng reng lo,” a ti.
Nakkum maia inthlanpui lo awm turah an sorkar a nih chuan MLA hlawh duhtawk lote hi Congress-a an awm a \ul lo tih sawiin Lalsawta hian, “Kan rawngbawlsak mipuite dinhmun hi kan ngaihtuah a ngai a. Kan rawngbawlsak mipuite rethei taka an awm laia ram hruaitute lo hausak viau hi a zahthlak,” tiin, duham hian awmzia a neih loh thu leh sum ngah lutuk hi a buaithlak \hin tih a sawi.
Lalsawta hian, “Kum 1995 khan Sukh Rama chu telecom minister a ni a, Rs. nuai 366 lai a ina a lo dah \hat, thuneituten an mansak khan ‘ka ta a ni lo’ a ti chul mai a ni. Kan pawisa neihte, ‘ka ta a ni lo’ tih ngai khawpa hausa, sum lakluhna hriat si loh kan ni ang tih hi a hlauhawm takzet a ni. Mizoramah pawh Sukh Rama anga ‘ka ta a ni lo’ tih ngai khawpa sum ngah kan awm ve mai thei,” a ti.
MPCC Vice President Lal Thanzara pawhin thu sawiin, “Kan sorkar chhung khan kan lo lal rei deuh a ni ang, kan lo chapo a, paihthlakin kan awm ta a ni. Zoram mipuiten khawngaih takin min ngaidam rawh u,” a ti a. Tunah hian sorkar ngawr ngawr hi an tum a nih loh thu leh sorkar \ha siam hi an tum ber a nih thu a sawi.
“Pu Zoramthanga’n Congress an ding chhuak tawh dawn lo tia a sawi hi a thleng dawn lo, a chhan chu a thusawi thleng dik tak tak a awm ngai loh vang a ni,” tiin Lal Thanzara chuan, Mizoram hmun tinah Congress-in harhtharna an chang mek a, kum 2023 a sorkar turin a inbuatsaih mek zawk a. ZPM te hian kan sorkar dawn ti ve \hin mah se Pathianin Mizorama rorel turin a la thlan ngai loh thu a sawi bawk.
Thusawitu dang Hachhek bialtu MLA Lalrindika Ralte chuan mi dang sawisel miah loin inthlannaah a tlin theih tih sawiin, “Mi dang sawisel lo kei ngei pawh MLA ah ka tling,” a ti a; nakkum inthlan hunah a bialin MLA pahnih an thlan theih loh avangin pakhat chiah thlan a ngai dawn a, ani aia \ha zawk an hmu a nih chuan a pawmpui tur thu a sawi bawk a ni.
Mamit district tlawhnaah hian C. Ngunlianchunga, MLA; John Rotluangliana, Ex Minister; Joseph Lalhimpuia, Ex-MLA leh Congress Party hruaitu mi 40 vel an kal a. MPCC Treasurer Zodintluanga Ralte erawh a bial lama hun a hman mek avangin a tel ve lo a ni.