State/ram pawn atanga vawk lak luh khap leh tawh

AIZAWL: Nikum lama Mizorama vawk pul hri leng a ziaawm tawh nia ngaia sorkarin khapna thupek a siamte a hlih hnuah tun hnaia hri a len thar leh avangin state pawn leh ram pawn a\angin vawk leh vawksa a\anga siam ei tur reng rengte lakluh khap nawn leh a ni.
March 21, 2021-ah Lunglei district-a Lungsen-ah pul hri, African Swine Fever (ASF) vangin vawk a thi \an a, nikum December 30 hma zawng khan ASF vangin ni tin deuhthaw vawk thi a awm.
Kumin kum tir lamah ASF vanga vawk thi an awm tawh loh avangin sorkar pawhin hri leng chu ziaawmah ngaiin, February 31, 2022-a state dang leh ram pawn a\anga vawk leh vawksa a\anga siam lakluh khapna a hlip.
Hetihlai hian tun hnaiah ASF vangin vawk a thi leh \an a, vawk pul hri leng hi a darh zel loh nan sorkarin April 2, 2022 khan state dang leh ram pawn a\anga vawk lakluh khapna thupek hi a tichhuak leh ta a ni.
Mizoram State Disaster Management Authority (SDMA) hnuaia State Executive Committee Chairman Dr Renu Sharma, Chief secretary-in khapna thupek a tihchhuahah hian ASF kai hi January leh February thlaah Champhai leh Aizawl district-ah te hmuh chhuah leh a ni a, vawk tam tak an thih phah leh tawh tih a tar lang.
Thupeka a lan danin AH&Vety department chu vawk vulhna hmunte tihthianghlim kawngah leh hri kai nia rinhlelh vawkte khung hran kawngah mawhphurtuah ruat an ni a, vawk thite chu sorkarin inkaihhruaina a duan lai anga \ha taka senghawi kawngah pawh mawh a phur a ni.
Kumina ASF hri a len thar leh hnuah hian Vety department chhinchhiah chianah vawk 400 chuang a thi leh tawh a, hri kai nia rinhlelh vawk 30 dawn suat leh tawh a ni.
Mizorama ASF hri len \an, nikum March thla chawhnu lam a\anga December thla thleng khan ASF vangin vawk 33,417 a thi a, vawk 10,910 suat a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427