GIG Motors 20th MFA Cup final chu Thawh\anni khan khelh a ni a. Champhai District aiawh FC Vengthlang North leh Aizawl District aiawh Kanan FC inkhelin 1-0 in FC Vengthlang North an chak.
Keifang Centenary Football Ground a inkhelah FC Vengthlang North tan Laltlanzova chuan inkhel a goal awmchhun hi minute 80-naah a khung.
Final lut tura Chanmari FC Lunglei 1-0 bawka hnehtu FC Vengthlang North ten inbuatsaihna an neih \hat an chhawr a. Tualchhung football a player hming hriat hlawh zawk FC Kanan in kawl nual mahse an khingpuite aiin an fitness sang tawk lo an tuar.
FC Vengthlang North player Lalramsanga chu Best Player a thlan a ni bawk.
G.I.G. MOTORS 20th MFA CUP
CHAMPION : FC Vengthlang North (Champhai Dist) Rs. 1,00,000/- + Trophy
Runners Up : Kanan FC (Aizawl Dist) Rs. 50,000/- + Trophy
Fair Play : FC Vengthlang North (Champhai Dist) Rs. 10,000/- + Trophy
Top Scorer : 5 goals Jeremy Laldinpuia, Electric FC ’11’
(5 goals, Hnahthial Dist) Rs. 5,000/- + Trophy
Best Player : Lalramsanga, FC Vengthlang North ’17’
(Champhai Dist) Rs. 5,000/- + Trophy