Mizoram Youth Commission (MYC)-ah cheng nuai za chuang tihchingpen a awm nia hriain ZPM thalaiin nimin khan hemi chung- chang chhui chiang tur hian Lokayukta-ah thu an thlen.
ZPM thalai chuan CAG report no. 2 of 2021-a a landanin, Ministry of DoNER-in March 2017 khan MYC hnênah -Capacity building and technical assistance sche- me- atangin Rs. vbc 1.32 a release tih an sawi a. He sum hi nasa taka hman sual a nih thu CAG report-ah chuan tarlan a ni tih an sawi.
MYC-in Mizoram sorkar department 48-a group B leh C mi 1499 te April 2017 – May 2018 chhunga ni 21 chhûng ṭheuh computer class a buatsaih nia tarlanah thil diklo a awm nia auditor ten an hmuh avangin department 48 te chu insawifiah turin an ti a, FCS&CA, H&FW leh PWD deptt. te tih loh Deptt. 45 te chauhin chhangin, training-a kal nia tarlan mi 1499 aṭangin mi 1,300 te chu department-ah an hming a taka hmuh tur awm lo a nih thu ZPM thalai chuan an sawi a, deptt-a a taka hming awm mi 7 zinga 2 phei chu training tura thlan zînga tello an nih thu leh report thehlut ve lo department 3 aṭanga mi 199 an training thu CAG report ah chuan tarlan a ni tih ZPM thalai chuan an sawi.
ZPM thalai chuan Congress sorkar laia MYC sum hman diklohnaa inhnamhnawihte chu hrem an nih ngei theihna tura hma an lak thu sawiin, Mizoram Lokayukta-ah FIR an thehlût tih an sawi a. “Congress hi opposition-a an awm chauhin an ṭha a, opposition-a an awm hian ṭhatloh theihlohna bawmah kan khung khawm a ni mai” an ti bawk.