Aizawl: Phainuam Buarchep rama Assam lei dawh leh Bairabi Zophai hmuna Mizoram lei dawh mek chu Mizo Zirlai Pawl (MZP) hruaituten an enfiah a. Assam sorkar chu state pahnihte inremna (status quo) zah loa chea puhin an dem takzet tih an sawi.
Nilaini khan MZP hruaitute chuan President Lalnunmawia Pautu hoin helai hmun hi an tlawh a. State pahnihte inremna status quo \ha taka Mizoram sorkarin a zawm lai leh Bairabi Zophaia lei dawh mek pawh laklawh taka chawlhsan a nih mek laiin, Assam sorkarin Phainuam Buarchep-a status quo chhung, Assam police te duty-na piah lama thir leihlawn \ha tak mai hun reilote chhunga a dawh chu hriatthiam har an tih thu an sawi a, “Kutthlak lo tura state pahnihte inremna zah lotu Assam sorkar kan ngei a, kan dem tak zet a ni,” an ti.
MZP hruaitute chuan Mizoramin hma thar a lak apianga Assam lamin an rawn ngaihven em em laia, hma thar a la \hin hi \ha an tih loh thu an sawi a. Assam lamin hetiang hmalakna a kalpui fo avangin, Bairabi Zophaia Mizoram sorkarin lei a dawh mek; hun rei tak chawlhsan tawh chu chhunzawm ve nghal turin thuneitute an ngen tih an sawi.
Nimin khan MZP president Lalnunmawia Pautu hoin, MZP Hqrs, Kolasib leh MZP Sub-Hqrs., Vairengte President te chuan ramri humhalh tura hma la turin chief minister Zoramthanga chu a pisa-ah an kawm a. Chief minister chuan a \ul anga MZP rawtna hrang hrangte lo bawhzui a, lo enzui a tum thu a lo hrilh a ni.