Aizawl: Congress party chuan MNF sorkar hnu hian a nghet loa zirtirtu eng emaw zat lak belh ni mah se, kalphung siam \hat engmah a awm chuang lo tih an sawi.
Nimina thuchhuah an siamah Congress party hian, School Ecuation Minister Lalchhandama Ralte in sorkar sikul-a zirlai lut pung anga a sawi chu an pawm loh thu an sawi a. Zirlai an pun chhan dik tak zawk chu Covid-19 vanga chhungkaw tam tak economy tlakhniam vang leh kum hnih chhung zet hri leng vanga sikul kal mumal loh vanga an ngaih thu an sawi.
Congress party hian, “MNF sorkar hnuah a nghet loa zirtirtu eng emaw zat lak belh ni mah se, kalphung siam\hat engmah a awm chuan loh avangin sorkar sikul te an \ha thut chuang lo,” an ti a. Covid-19 vangin chhungkaw tam tak sum lakluh a tlakhniam nasat avangin zirna \ha zawk duha fee tam tak chawia private sikul-a kal tir hi chhungkaw tam takin an tlin tawh lo zawk niin an sawi.
Education Minister Lalchhandama Ralte thusawi hi thu dik tawk loa mipui hruai sual tumna leh dik lo taka hming\hat lak tumna mai a ni tih sawiin, “Chhungkaw tam takin sikul kal mang si loa fee chawi reng ai chuan tiin, sorkar sikul-ah an fate an admit mai a ni zawk. Hei hi nu leh pa eng emaw zat kan kawmna a\anga an chhanna a ni,” an ti.
Data hmuh tur awm lo mah se, sorkar sikul-a zirlai an pung nia education minister-in a sawi hi thil lawmawm takah an ngai tih an sawi a. Covid-19 reh hnuaah pawh sorkar sikula lut zat a tlakhniam nghal mai loh nan chak zawk leh awmze nei zawka hma la turin MNF sorkar an phut thu, Congress party hian an sawi bawk.