26/11 Mumbai attacks-a a bultumtu ber nia India-in a hriat, Hafiz Saeed chu Pakistan-a anti-terror court chuan kum 31 chhung lung in tang turin a ti nia hriat a ni.
Firfiak pawl, Lashkar-e-Taiba dintu leh Jamaat-ud-Dawa chief Saeed-a hi thubuai pahnihah thiam loh chantira hrem a ni.
Court chuan a thil neihte khawih chet theih loh tura tiin UN-in mi firfiaka a puan hi Rs. 3,40,000 chawi turin a ti bawk.
Report \henkhatah chuan Saeed-a sak mosque leh madrassa te pawh sorkar kuta awm tura tih a ni tih tar lan a ni.
Kum 70 mi, Saeed-a hi mi firfiakte pui \hina puhnaah thiam loh lo chantir tawh a ni a. Kum 2020 pawh khan kum 15 tang tura tih a ni tawh.
Pakistan-ah hian kum eng emaw zat chu hren leh chhuah karin a awm reng a, a chang chuan pawn chhuak thei lova dah \hin a ni a. Hetih chhung hian a zalen hle \hin a, hmun tam takah India beihna lam thu a sawi \hin.
Kum 2019 khan Pakistan Prime Minister Imran Khan-a’n United States a tlawh hnu lawkah man a ni a. Hetih laia US President Donald Trump-a chuan kum 10 zet man tuma zawn a nih hnuah Saeed-a chu man a nih tak thu Twitter-ah a tar lang nghe nghe.