Tripura zirlai pawl chak berin Greater Tipraland movement zawm ve ta

Tripura Students’ Federation (TSF) chuan ‘Greater Tipraland’ movement an zawm ve leh ta.
TSF hruaitute chuan Pathianni khan an zawm ve tih hi Agartala khawpuiah an puang.
TSF hi Tripura-a zirlai pawl zingah chuan thiltithei ber leh zirlai pawl upa ber an ni.
Hmarchhaka zirlai pawl inzawmkhawmna, Northeast Students’ Organisation (NESO)-ah an tel bawk.
Zirlai pawlin Tipraland state siam tura hmalakna an zawm chungchangah hian a nawrtu langsar ber, TIPRA chairman Pradyot Debbarma chu a lawm thu leh a hlim thu a sawi.
Debbarma chuan, “TSF-ah hian ka lo tel tawh \hin a, kan movement-ah an rawn tel tur hi ka hlim tak zet a. Kan mite hi thukhat vuaa kan chet a ngai a ni,” a ti.
Debbarma-a kaihhruai, TIPRA hi Greater Tipraland movement kalpui na bertu an ni.
Indigenous People’s Regional Alliance (TIPRA) chairman hian a kaihhruai party-in an tum ber chu ‘Greater Tipraland’ a nih thu a lo sawi tawh bawk.
An party nena thawhho duh political party tu pawh an pawm thu a sawi a, hetih rual hian an party-in ‘Tipraland’ an phut ang duh vetu an nih hmasak phawt a ngaih thu a sawi.
“Kan tum leh duh ber chu ‘Greater Tipraland’ a ni a. Political party tu pawh, TIPRA nena inzawm emaw, thawhho emaw duh chuan ziakin kan dinna hi min thlawp a ni tih an rawn thlen hmasak a ngai a ni,” tiin Debbarma hian a sawi.
“|awngka maia sawi chu awmzia a awm lo va. ka Tiprasa-puite hi ka bum duh lo. Tun thleng hian min thawhpui duha ziaka rawn inlan an la awm lo va; mahse, ka tumna hi ka sawhsawn phah dawn chuang lo,” a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427