Mizoram IOCL Transporters’ Forum (MITF)-in an nawrhna titawpin Mizoramah tuialhthei phur lut mek mah se tuialhtheia tlakchhamna erawh a la nasa a, nimin khan Aizawla filling station tam zawk khar a ni a; MITF erawhin tuialhtheia harsatna hi a ziaawm zel turin an beisei.
IOCL-in kum 2016 rate anga tuialthei phur man an bithliah an duh loh avangin March 31, 2022 a\ang khan Mizoram IOCL transporter-te hian IOC a\angin tuialhthei an phur lo \an a, ni sarih chhung tuialhthei phurh luh a khailak avangin tuialhthei a harsa hle.
Niminah pawh Aizawl chhunga filling station-ten tuialhthei hralh chhuah tur an la nei mumal lo zel a, filling station \henkhat chu khar ngai hialte a awm a ni.
Tar lan tawh \hin angin MITF hian IOCL laka an lungawi lohna an lantir chu Ningani tlai khan an call off thu an puang a, hemi zan a\ang khan tuialhthei hi phurh luh \an ni mah se hun rei tak chhung tuialhthei a lo khaihlak tawh avangin vawi leh khatah he harsatna hi ziaawm nghal thei a ni lo.
MITF hruaitute chuan Zirtawpniah oil tanker 14 vel chu Mizoramah a rawn thlen thu The Zozam Times an hrilh a, a rawn la thlen belh zel dawn tih an sawi bakah tuialhtheia harsatna thleng hi a ziaawm chho zel tura an ngaih thu an sawi a ni.
Filling station hrang hranga tuialhthei hralh chhuah tur a awm mumal loh lai hian sumdawng \henkhat erawhin a black-in petrol hi an hralh chhuak reng thung a ni.