Ferrari car khalhtu Charles Leclerc chu Formula 1 world championship-ah fal taka hmahruai nghal turin tun season intlansiak vawi thum a\ang a vawi hnih nan pakhatna a hauh a. Australian Grand Prix-ah tuman an umpha lo.
Albert Park Circuit a intlansiakah a tir a\anga a tawp thlengin Ferrari driver hian intlansiak a thunun a. Car chesual an awm avanga safety car tirh hnua an tlan \an leh dawn tih lovah a hnung amiten an hnaih pha meuh lo.
A elpui ber Max Verstappen a tlan zo lova, Verstappen-a Red Bull teammate Sergio Perez chuan pahnihna hauhin tun season-a car la nei \ha tawk lo Mercedes car khalhtu thar George Russell chuan pathumna a hauh ve bawk.
Ferrari thununna, Red Bull rintlak lohna
Melbourne khawpui a intlansiak hi mipui tan ni li chhung hawn a ni a, mipui 419,114 in a hmunah an en.
Tun season a tlan chak pahnih Ferrari leh Red Bull te inel leh viau tura ngaih an nihlaiin Italian team an chungnung hle.
Theihna nei sang an no.1 driver Leclerc-a’n pole position changin, intlansiakah pakhatna a hauh bakah lap khat tlan chhuak rang ber a ni bawk a, lap zawng zawngah hma a hruai bawk. Kum 2010 a Singapore Grand Prix a Fernando Alonso hnua Ferrari car khalh chunga hetiang ti thei hmasa ber a ni.
An car khalhtu dang Carlos Sainz erawh a kar steering a chian loh avanga harsatna neiin lap 3 a awmin a chesual a, a tlan zo thei lo.
World champion Verstappen-a’n Leclerc hi um ngawrh tum viau mahse a hnaih rei thei lova. Red Bull car in tyre a heh zawk a. Leclerc a umna lamah a tyre a hman rim avangin a ral khan a inrual lova, hei hi a tuar.
Verstappen hi lap 38-naah a car a\ang tuiril put a awm avangin a intlansiak a tawp a. Tun season-ah Red Bull car a vawi hnih nan intlansiakah a tlan zo thei lo tawh.