Mi mal enkawl vaccine pekna hmun, private vaccination centre-te chuan Pathianni a\ang khan Covid-19 laka invenna, precautionary ‘third’ dose, booster dose tih bawk chu kum 18 tling chin a duh apiang hnena pek an \an ta.
Booster dose lak theih hi Covid variant thar, a hmaa mite zawng aia inkai awlsam zawk nia sawi, XE a \ai darh \an leh mek laiin kum bithliah chin awm lovin, puitling chin zawng tana lak theiha hawn \an a ni.
Variant thar hi India ram chhungah pawh a kai an awm leh tawh a; mahse, he hri bik avanga inkaihhruaina emaw engmah siam a la ni lo.
Mi mal company pakhata hri leng lama mi thiam, Pawan Seth chuan, “Booster dose hi hri leng kan do theihna tura taksa tihchak nan a pawimawh em em a. XE variant an tihin India a lo pan leh mek a, booster dose hi \ul lo taka chhiatna kan tawh theihna laka min vengtu ber tur niin ka ngai a, thawh hnihnaa kan thil tawn kha kan theihnghilh tur a ni lo,” a ti.
Gym trainer, Rakesh chuan, “Kan chhungkuaah booster dose la hmasa ber ka ni a, ka phur a. Booster dose hian coronavirus lakah min ven ngei ka ring a, a pawimawh tak zet a ni,” a ti.
Hetih lai hian Inrinni khan India-ah hian vaccine siamtu lian pahnih chuan a man an titlawm bawk.
COVID booster dose hi tunah chuan Rs. 225 man a ni tawh dawn a, Covishield chu Rs. 600 a\ang leh Covaxin chu Rs. 1,200 man a\angin a tla dawrh a ni.
Hetih mek lai hian Delhi sorkar chuan vantlang hmuna hmai tuam ngei ngei tura tihna chu a hlip ve mek bawk.
Union health ministry chuan Zirtawpni khan vaccine dose thumna hi private vaccination centre-ah kum 18 tling chin zawng tan April 10 a\angin a lak theih dawn tih a lo puang tawh a ni.
Kum 18 tling, booster dose la turte hi dose hnihna an lak a\anga thla kua liam tawhte an nih a ngai tih ministry chuan a sawi.