Sri Lankan mipuite chuan an sorkar kalphung chu a vaia thlak hlawk an duh a, an khawpui, Colombo-a kawng an zawhnaah President Gotabaya Rajapaksa leh a unaute chu an ram eibar dinhmun chhe zel avangin politics chhuahsan turin an phut tih an tilang.
Galle Face Green-a Inrinnia zirlai, zirtirtu, dan hre mi, lemchang thiam leh architect rualte chu a vawi khat nan an president duh lohna lantirin an pungkhawm a. ‘Madman Gota,” tih leh “Go home Gota,” tiin, president an kohna hming lamin an au rual.
Sri Lankan flag an vai a, kutziakin placard an kenah Sinhalese leh saptawnga thu an ziah an pho chhuak a. Hengah hian “Politician ei ruk hmang kan duh lo,” tih te, “Rajapaksa chhungkaw lakah Sri Lanka chhan ang u,” tihte pawh a tel.
Advertising company-a thawk pakhat, kum 29 mi, Buddhi Karunatne chuan, “Tun hi thih leh dam inkar a ni,” a ti.
“A vawi khat nan, mipui zawng zawng, politics leh khawtlanga inang lo tak takte kan \ang khawm a, duh tlan pakhat kan neih chu president a bân leh mipuite hnena thuneihna a hlana kan khawtlang kan buaina ching fel thei hnena a pek a ni,” a ti.
Kum 72 mi, Rajapaksa hi kum 2019 inthlanah khan chiang taka president atana thlan niin a party hi parliament-a \hu thei zat hmun thuma \hena hmun hnih zet changtu an ni a. Member an tam hnehna chu remchanga lain a unaupa, Mahinda Rajapaksa chu prime minister atana ruatin an ram danpui pawh siam \ha (ammend)-in president hnenah thuneihna tam zawk a pe.
A cabinet-ah pawh Rajapaksa chhungkaw mi leh sa pathum chu chanvo pawimawh ber ber finance, agriculture leh sports a pe bawk.
Hetih hun lai hi kum 2019-a ISIL firfiak pawlte kaihhnawihin an ram beia mi 250 chuang zet an thihna thlen hnu, an buai lai ni mah se mipuite chuan Gotabaya leh Mahinda Rajapaksa unau hian an ram chu an chawikang theih ngei an ring.
Rajapaksa unau hi kum 2009-a inlak hran tuma beitu Tamil hel pawlte tudaitu an nih avangin mipuite rin an hlawh hle a. Hel pawl an hneh lai hian Mahinda hi president niin Gotabaya hi defence secretary a ni ve thung.
A tirah Rajapaksa unau hian rinhlawh hle mah se mipuite beisei an pha ta lo va, thutlukna pawh mipuite tana \ha an siam hleithei lo niin Inrinnia kawng zawhnaa tel pakhat chuan a sawi.
“Mawlmang taka sawi chuan, Gota hian ram a hruai thei thlawt lo a ni,” tiin mi pakhat chuan a sawi a. “Tuna kan buaina ang dawl zo tur thluak a nei lo,” a ti.