UCL : Man City leh Liverpool an tling

Premier League a inum mek club pahnihten Europe lamah an hmachhawp an hlen a. An khingpuite hneh ve ve in UEFA Champions League semi-final an khel dawn.
Nilaini zana inkhelah Manchester City in Atletico Madrid an tlawh a, an khingpuiten na takin an bawh a, mahse Man City hian first leg a an khingpuite tih ang thovin nghet takin goal an veng a, an hlawhtling.
Atletico in tharum nena inbeihna kalpui in an theihtawp in goal an nawr a, mahse City an tibuai thei lova. First leg a 1-0 a chak tawh City in first half-ah Ilkay Gundogan hmangin inkhel an dahtha zawk teuh hle.
Huntawp dawnah Atletico in defender Felipe chu yellow card a hmuh nawn avangin an chan a, inkhel tawp lam boruak a sang hle.
City hian semi-final ah Chelsea hnehtu Real Madrid an hmachhawn leh ang.

Reds an tlang e
Inkhel lehlamah tun season a trophy pali chawi tum Liverpool beisei a la nung a. Benfica lakah aggregate in hnehna an chang.
Lisbon khawpuia 3-1 a an chak hnuah Liverpool in Anfield-ah an dinhmun tha hum chiah hmabak an nei tawh a. Minute 21-naah Ibrahima Konate goal hmangin hma an hruai belh.
Benfica in Goncalo Ramos hmangin an chhanglet a, mahse Roberto Firmino chuan second half-ah goal hnih khungin Reds dinhmun a tha hle a. Huntawp hma in Roman Yaremchuk leh Darwin Nunez ten Benfica tan goal khungin 2nd leg-ah 3-3 in an in draw a, mahse Liverpool an tling zawk.
Reds hian semi-final ah Spanish club Villarreal an hmachhawn leh ang.
Liverpool boss Jurgen Klopp chuan, “Semi-final thlen theih hi a hlut avangin kan hlum. Villarreal in tlin an phu a, inkhel hautak tak a ni dawn, a awlsam dawn lova, mahse team hmachhawn awlsam lo tak kan ni ve tho.” tiin an khelh leh tur a thlirlawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427