A duh ber license plate number atan Rs Nuai 15 a sêng

A duhnain a ur thlu miau a, sum senna turah a inngaihtuah buai lo. Chandigar-a pa pakhat chuan cheng sing sarih chuang man scooter-a bel tur License plat number atan cheng nuai 15 a pechuak.
Kum 42 mi Brij Mohan hian license plate number manto tak a lei hian sawi hat hat a tling. April 14 atanga April 16 khan number CH01 CJ 0001 lilam a ni a, ani hian cheng nuai 15.4 in a leichhuak ta a, Honda Activa scooter-ah a tar vang dawn a ni.
Hemi hnu hian CH01 CJ 002 chu chu Rs nuai 5.4 in leichhhu a ni leh a, 007 thlengin an inchuh nasa hle. 0001 lei ur hian advertisement industry-a thawk Brij Mohan hian a chhâng huai ber. “Activa-ah ka hmang dawn a, a hnu ah car-ah ka hmang zui ang,” a ti.
Tun tuma thi thleng hi License plate number chungchanga inbarakhaih vawikhatna a ni lova, 2020 kuma Covid-19 vangina India ram a buai chhoh mup mup lai khan Ahmedabad-a cheng pa pakhat chuan James Bond atchilh tih takah 007 number licese plat chu cheng nuai 39.5 in a lei tawh a, Toyota Forturner-ah a tar vang mai. GJ01 WA 007 ham vanneihna a keng tel, a ti ve tlat. Sawiseltu tam mah se, a pawisa a lei a ni miau a, a bengkhawn lo hle.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427