An innei zo hlim hlawl a, mahni mual muala chechhuak lehin an buai dun leh hle. Heith lai hian an nupa hausakna belhkhawm hi cheng vaibelchhe 800 a nih laiin, a hmeichhia zawk a nei nung.
Alia Bhatt hausakna leh hlutna hi nikum 2021 khan Rs Vaibelchhe 617 anga chhut a ni a, Duff & Phelps tarlan danin, Ranbir Kapoor hausakna leh hlutna Vaibelchhe 203 a ni thung.
Alia hian project pakhatah cheng vaibelchhe 15-18 a la thin a, Financilay consultancy fim, Durff & Phelphs hian nikum khan celebrity hlut ber paruknaah a dah a, Salman Khan meuh pawhin a pha lo.
Trade analyst Taran Adarsh chuan Alia larna leh hmingthanna hi ramchhunga thalaite nena inthlunzawmna fuh lutuk a neih vang, a ti a. Brand lar tak tak- Kwality Walls Conrnetto, Lay’s, Frooti, Druoflex, Manyavar, Cadbury leh Flipkart te hian brand ambassador atan an hmang vek. Bungraw fakna a neih hian nikhatah cheng vaibelchhe 2 vel a hmuchhuak thin.
Bandra, Mumbai-a a chenna bungalow hlutna hi cheng vaibelchhe 32 vel a ni a, production company thar, Enternal Sunshine Productions atana office thar an siam phei chu cheng vaibelchhe 2 man a ni. London-ah In a nei a, lirthei changkang- Land Rover Range Rover Vogue (Vbc 2 man), leh BMW 7 Series (Vaibelchhe 12) te a nei bawk.
A pasal Ranbi Kapoor hian film pakhatah cheng vaibelchhe 50 vel a inchhiar thin a, Alia aiin a let thumin a tam zawk. Ranbir hi social media-ah a awm ngai lo tluk a ni a, heti chung hian fan base a nei that em vangin brand lian- OPPO, Tata AIG, Coca Cola leh Oreo te chuan an ruai tho. Fakna pakhat a siam hian cheng vaibelchhe 6 vel a lalu thin.