Kum 2020 atanga kumin March thlengin AAY leh PHH chhungkua ten a thlawnin buhfai quintal 6253642.50 an dawng tawh

AIZAWL: Anna Yojona & public distribution scheme hnuaiah kum 2020 atanga kumin March thlengin AAY leh PHH chhungkua ten a thlawnin buhfai quintal 6253642.50 an dawng tawh a, hei hi FCI kaltlanga pek zel niin, a sum zawnga chhutin Rs. vbc 187.61 man hu a ni tawh.
India zalen kum 75-na lawmna ‘Azadi ka Amrit Mahotsav’ kal meka Food corporation of India (FCI), divisional office, Aizawlin Rengtekawn Kudam-a ‘Anna Yojona & public distribution’ programme nimina a buatsaihah he thu hi FCI, Aizawla divisional manager Zodinpuii Ralte-in a sawi a. Mizoramah COVID- 19 a len chhungin ei tur neih loh vanga boral an awm lo nia sawiin, supply department-in he scheme kaltlang hian mipuite hnena sem tur buhfai, FCI atangin a hun tak zelah a la thin tih a sawi.
Fortified rice chu- ngchang pawh sawiin, Zodinpuii chuan mi thenkhatin an hre dik tawklo tih a sawi a. “Central-in scheme hr- ang hrang a siam a, tun ah hian mid-day meal (education) leh WBNP (Anganwadi) buhfai bik atan ‘fortified rice’ sem a ni. Hei hi ‘plastic rice’ tiin mi thenkhatin an sawi a, hei hi hriatloh vang a ni,” tiin fortified rice chu nutritional food a ni a, upa lam tan a thain nakin lawkah ration atan hetiang buhfai hi sem a ni dawn a, open market-ah chuan a man a to” a ti bawk.
FCI, divisional office, Aizawl buatsaih Anna Yojona & public distribution programme hmanpuitu Kolasib ba -wrhsap John LT Sanga pawhin, Anna yojona & public distribution’ programme chu ‘food security’ (pradhan mantri garib kalyan anna yojana – PMGKAY) tia sorkar laipuiin chhung- kaw harsat zawkte ei leh in chungchanga chawikanna tura a duan a nih thu a sawi a. Kum hnih chuang COVID10-in India ram a chenchilh tak thu sawiin, Kolasib bawrhsap chuan hri leng avanga India ram mi ei leh in harsate dawmkanna tura central-in PMGKAY scheme chu March 2020 a a duan a nih thu leh Ministry of consumer affairs, food & public distribution department hnuaiah he scheme hi phase 6-a kalpui a nih thu a sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427