Hollywood star Jennifer Aniston chuan hun rei atang tawhin muthilh theih loh harsatna a nei, a ti.
Kum 52 mi hian heti ang harsatna, Insomnia hi kum 30 chho vel atang khan buaipui tawh nia sawiin,m “Ka hriat sual loh chuan kum 30 chho emaw a hmalam te pawh a ni mai thei.. a hun lai kha chuan taksa leh rilru te a la chak tha a, chuti vakin a hriat loh pawh a ni thei tho bawk. Mahse, mihring ve mai kan nihna chiang takin a lo lang,” a ti.
People Magazine-in a kawmnaah Aniston chuan sleep anxiety bakah zan tlai tawh lamah thawh at a nei tel niin a sawi bawk a, insomnia (muthilh harsatna lian tak) chuan thuk takin zung a lo kaih tawh vangin manganthlak a ti hle. “Ka hlauthawn nasat poh leh muthilh a harsa ting mai a ni,” tiin a dinhmun a tarlang.
Tunhnai khan a dinhmun leh awmdan dik loh vangin damdawi thiamna lam a râwn a, taksa sawizawi leh yoga te pawh mumal takin a tichho. “Zan lamah hunbi nei taka mut a lo pawimawh viau mai a, mahse flmstar tan chuan chona lian tak a ni lawi si a ni. A chhan chu, film kan buaipui a, mut hun bi mumal a tawm thin lo,” a ti a ni.