Philly in 2-0 in hma hruai

Philadelphia 76ers in NBA Playoffs first round series-ah a vawi hnihna atan hnehna an chang a. Toronto Raptors 112-97 in an hneh.
Best of seven series-ah 2-0 a hma hruai mek Philadelphia hian anmahni court-ah Raptors hi an mikhual a. Hnehna an chan avangin an coach Doc Rivers chuan NBA team a enkawl hnuah a vawi 100 nan NBA Playoff inkhelah a team ten hnehna an chang.
76ers tan star player palian Joel Embiid chuan point 31 score in rebound 11 a la a. Tyrese Maxey chuan point 23 score in rebound vawi 9 a la a, assist vawi 8 a nei.
Tobias Harris-a’n point 20 a score a, star player dang James Harden erawhin NBA Playoffs-ah beisei a phak loh leh thin chu a chhunzawm a, vawi 9 a shoot atang vawi thum chauh lutin point 14 a score a. Assist vawi 6 a nei thung.
2022 NBA MVP finalist pathum zinga tel Embiid chuan, “Theihna chi kim tak he team chhungah hian a awm a, court chhung kan luh hunah chu chu thiam taka kan hman a pawimawh. Tunah kan kheltha a, kan chhunzawm zel a pawimawh. Kan tih tur kan hria a, kan hlawhtlin ngei a tul.” tiin inkhel zawhah a sawi.
Inkhel dangah Golden State Warriors pawhin 2-0 in Denver Nuggets laka series hma hruai turin 126-106 in hnehna an chang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427