A hmasa berin- incheina (beauty products) i lei hmain i vun awmdan i hrechiang tur a ni. Dry (ro), Normal (pangai), Oily (mawm) leh Combination skin tiin thenhran a ni a, thawmhnaw hak tur lei dawna mahni haktawk size hriat chian hmasak a ngai ang deuh hi a ni
Darthlalang hmâ ah
Min bumtu a ni thei a, dar-thlalang a zirte pawh hian vun rawng leh lan dan hrim hrim pawh hi danglam thei tak a ni bawk. Darthlalang tha takah hi chuan vun rawng awm dan leh lan dan hi a chiang hle a, thenkhat chuan mahni in chhungah pawh darthlalang hman duh leh duh lo te an nei. Heta tang hian engemaw chen chu a hriat theih bawk.
Tissue hmangin
I vun awm dan dik tak chiang taka hriat theih dan dang lehchu – Tissue hmanga enchhinna hi a ni. Tissue paper kha i hnâr leh chal-ah bel la, khawih che miah lovin second reilote hnu-ah la thla leh la, enfiah ang che.
Vun leh a chhunga gland te an che nasa anih chuan tissue hi a lo mawm deuh hlarh ang. Engmah a awm lem lo anih chuan lawmna chhan tur a awm hran miah lo a nia. Thil tha lo zawk entirna a ni thei! A chhan chu, i vun khan tuamhlawm leh enkawl a hlawh lem lo tihna a ni a, chutih laia tissue kha a bal (soiled) hlei thei lo anih chuan vun hrisel leh duhawm tak i nei tihna a ni ngei ang.
pH factor
Hetia han ngaihtuah mai chuan science lam hawi ziahna fiction novel te pawh a ni thei mai awm mange a tihtheih rum rum a. Amaherawhchu, anihna takah chuan pH factor hi vun lan chhuah dan (acidity) tehna pawimawh tak a ni.
pH hi hydrogen patricles tehna niin, a tam chuan engtiangin nge vunah nghawng a thlen a, a tlemin engtinnge pawi-na a thlen tih enfiahna pawimawh tak a ni.
Entirnan- pH factor hlutna hi 7 lo ni ta se, vun awmdawn a rualkhai a, a mawi tawk tihna a ni. Pasarih chunglam chu ‘alkaline’ an ti a, a aia hniam chu ‘acidic’ an ti.
I vuna ‘acidity’ leh ‘alkalinity’ hriat chian i duh chuan vun-ah ‘litmus paper’ bel kai a ngai. A hmasa berin fai takin hmai phih la, litmus paper i hnawih hma hian darkar khat vel nghak phawt la. (Hei hi hmai-phihnana i hman chambang a fai duak a, engmahin a pawlh buai lo tih chiannan) Minute khat hnu-ah la chhuak rawh.
Paper hi a pawl (blue) chuan i vun khan acidity a tlachham hle a, engemaw inkaichhawn theihna ang chi i nei awlsam dawn tihna a ni. A sen lam hawi anih chuan ‘acidic’ hi a tha thawkhat tih-na a ni a, pink-red anih chuan acidic a tam lutuk a, vun chuar neih hma-na a ni.
A tlangpuiin vun hi chi
nga-a then a ni a:
Normal, Dry, Extra Dry, Oily & Clogged
Normal Skin
Thil vâng tak a ni a, nausen i nih laia i vun neih ang deuh kha a ni. Kum a lo tam chhova, sik leh sa, boruak lum leh vawta han tal chhoh hnu hian a reh nghal duak duak thin. Hetah hi chuan litmus paper kha ‘pink’ rawngah a inlet hial a, vun a mam zaih mai a, bawl leh thap hrip hrep hmuh tur a awm lo.
Dry Skin
Tissue paper-ah engmah a langin a hnutchhiah hran lo. Litmus paper anih chuan a sen-ah a chang. Ni eng a man chak bik hle a, chhiatna a thlen thei. Bawl leh sun burns hi a langsar.
Extra Dry Skin
A thim ruih a, a ‘no’ lo hle. A ro hulh. Acidity phei hi chu nitin a danglam.
Oily Skin
Hnâr mawm hlarh leh tle var var thin hi a ni mai. Tissue paper-ah a langsar hle a, acidity erawh a nei lo tlangpuii.
Clogged Skin
A thap a, a chhah bawk a, khawdur te pawh a ang lek lek. ‘Alkalinity’ a nei sâng hle a, tissue paper-ah erawh engmah a hnut chhiah lo.