India ramah darkar 24 liam ta chhung khan Covid-19 kai mi 3,324 hmuh leh niin ni li a zawnin mi 3,000 chuang ni tin kai hmuh a ni ta.
Hri kai hmuh tharte nen hian mi 4,30,79,188-in an kai ta tih health ministry chuan a tar lang.
Darkar 24 liam ta chhung hian mi 40-in thihpui leh hmanin mi 2,876 enkawl dam leh hman an ni thung a. Mi 5,23,843-in thihpui tawhin mi 4,25,36,253 enkawl dam an ni tawh.
Hri kai enkawl lai hi mi 19,000 tling leh tawhin mi 19,092 an ni mek a. Hri kai hmuh tawh zawng zawng atanga chhutin 0.04% an la ni.
Hri leng laka invenna pek beihpui thlak kal mek zelah vaccine dose vaibelchhe 189 chuang pek tawh niin Inrinni pawh khan dose nuai 26 dawn pek leh hman an ni.
Invenna la tawh zawng zawng zinga mi vaibelchhe 2.82 chuang precautionary (booster) dose an la leh tawh a. Booster dose hi kum 18 chin, invenna dose khatna leh hnihna la tawhte hnena pek a ni.
Dose hnihna leh booster dose lak inkar hi thuneitute chuan tihkhât hret tumin hma an la mek.