Assam state puma chanchinbumiten sawisak leh beihna an tawk tih sawi a tam mek laiin, Silchar Journalists Association pawhin an member pahnih, Emad Uddin Mazumder leh Himu Laskar te thil tawn duh lohna leh demna chu vawiin khan an lantir.
Laskar hian tun hnai lawk khan tute nge an nih hriat loh hnen atangin thaha vauna a dawng a. Emad Uddin chu thil thleng report tuma a kalnaah mi sualin an lo bei bawk.
Silchar press club bultumin chanchinbumite chuan heng mite pahnih taka dikna hlenchhuah phutna an tilang a. Cachar subordinate police officer pisaah kalin chanchinbumi beihna an chhui tawh dan an zawt.
An thawhpuite vau leh beitute hi man ngei an phut a, hun dang zelah chanchinbumite himna an phut bawk a. Katigora OC Nayanmani Singha chu heng thil thlengah hian engmah a ti lo nia sawiin sawn an phut bawk.
A hma pawhin Assam-a chanchinbumite tawrhna thleng thin chu Editors Guild of India pawhin Chief Minister Sarbananda Sonowal hnenah ziaka thlenin a state-a hetiang a thleng fo chu ngaihven turin an ti.
Editors Guild of India hian ‘Asomiya Pratidin’ leh ‘Dainik Asom’ chanchinbua thawk, Milan Mahanta (42) phuar beha sawisak chu an lehkhaah hian an tar lang.