Tunlaia inkhin buaina langsar ber tihn ngam Hollywood star Johnn Depp leh a nupui hlui Amber Heart te thu leh hla a buai tulh tulh a, hetia inkhin buaina vang hian Depp-a’n ‘Pirates of the Carribbean’ film parukna turah a tel theih loh phah a, $Maktaduai 22.5 zet a hloh.
A nupui hlui nena Court thubuai kal mek hian a eizawnna leh hnaah nghawng a nei na tial tial a, he film-a chang ngei tur ngaih a nih laiin, Desiney chuan kawng dang a zawnsan ta daih si a, Amber-in chanchinbu pakhata a thuziah nghawng te pawh a tih theih ang.
Hetah hian tharum hmanga kutthlak a nih dan te a tarlang a, kum 4 kalta ami ni tawh mah se, Depp tan chuan hmingchhiatna tham a tling miau si a ni.
Khinglet
Ngawih chuh reng thei bikah inngai tawh lovin a nupui lakah hian intihhmingchhiat thubuai a siamsak ve ta a, zangnadawmna $Maktaduai 50 a phutna hi Court chuan thutlingah ngaihsakin tunah hian chai chhoh mek a ni.