Bollywood film beiseiawm tak pahnih Runway 34 leh Heropanti 2 tlangzarh mah se, Yash leh Sanjay Dutt channa, ‘KGF 2’ (Hindi) chu mite duhrawn leh thlir ning thei loh a ni zel a, Aamir Khan ‘Dangal’ lehpelin, Hindi film hlawhtling ber pahnihna a ni dawn ta.
National holiday ‘Eid’ khan remchanan a siamsak a, box office ah hemi ni hian vaibelchhe 9.56 la luin, tun dinhmuna India rama sum lakluh zat chu cheng vaibelchhe 382.90 a ni.
KGF 2 hian ‘Dangal’ film sum lakluh cheng vaibelchhe 387.39 hi nimin khan a khum ngei rin a ni a, ti hian ‘Baahubali 2 (Hindi)-in cheng vaibelchhe 511 a thutpui mek chu chhuhsak a tum leh ngei ang. A pui chho dawn e.