CONCACAF Champions League-ah Seattle Sounders champion

Major League Soccer team Seattle Sounders chuan CONCACAF Champions League final-ah Mexican club Pumas UNAM an hneh a. MLS team zinga CONCACAF Champions League trophy chawi thei hmasa ber an ni.
Final inkhelah hian Sounders in 3-0 in Pumas hi an hneh a. Raul Ruidiaz chuan goal hnih khungin Nicolas Lodeiro chuan goal dang a khung a. First leg-ah 2-2 a an inhnehtawk tawh avangin 5-2 aggregate kin Sounders an chak.
Sounders hlawhtlinna hian Mexico in he inelna an thununna a titawp a. North America, Central America leh Caribbean ramte huap inelna sang hi Mexican club-ten kum 16 chhung an thunun.
Lumen Field a mipui 68,741 hma a inkhel a an hlawhtlin avangin Sounders hi kum 2000 a Los Angeles Galaxy hnua MLS team CONCACAF club inelna lian a champion leh hmasa ber an ni a. Hetihlai hian inelna kalphung a dang a, CONCACAF Champions Cup tih a la ni bawk.
Hnehna an chan avangin Seattle hian FIFA Club World Cup an khel thei dawn a, MLS team zinga he inelna khel hmasa ber hi an ni dawn.
Peru striker Ruidiaz chuan, “Ka hlimna hi thu a sawifiah theih a ni lo. Club in bung thar a kai a, he hlawhtlinna hi a phu. Tunah chuan lawm hun a ni.” a ti a.
“MLS in he continental title hi dawn a phu.” Lodeiro chuan a ti ve bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427