Thlawhna chhungah na takin min pêt: Amber

A film chanpui James Franco a thik em vangin a pasal Johnny Depp-a’n 2014 kuma ramchhunga thlawhna an chuan laiin na takin a pet niin, Amber Heard-in a sawi.
Dollar maktaduai tam tak hmanga intihhmingchhiat thubuai kal zelah Ms Heard chuan Mr Deep chu thiknaa khat leh ruihhloa inhnamhnawih thin a ni, a ti.
Mr Depp hian chanchinbu pakhata kut thlak tuar thin anga a ziah chungchangha Ms Heard lakah intihhmingchhiat thubuai hmangin $Maktaduai 50 phutin a khing mek a, Ms Heard pawhin $Maktaduai 100 in a khinglet ve bawk.
Nimn piah khan Ms Sheard hian a pasal hluiin ‘Pineapple Express’ leh ‘The Adderall Diaries’ a a chanpui Mr Franco nen hian a ringhlel thin hle a, thikna nasa tak vangin Boston atanga Los Angele panna an thlawh laiin Mr Depp thinrim insum thei lo chuan na takin a pet, tniin Court hmaah a puang.
“Ka hnungah na takin min pet a, chhuatah ka tlu chiang hle. A hmuna awm te an ngawi vek. Engmah an ti hek lo. Thlawhna chhung kha a reh tlawk tlawk a, hriau tla ri te pawh a hriat theih hial ang,” a ti bawk.
He thil thlen hnu hian New York-ah a pasal hlui hian ngaihdam a dil a, a ruih buai tawh lo tur thu te bakah insiam that a tum thu thlengin a hrilh niin, a sawi.
An thubuai hi a rei tual tual a, a hnawk chho tial tial niin a lang. Mr Depp hian a nupui hlui laka inthiarfihlim a, inhmachawn buai lo tu rin Oxycodone pill a ei ngei tih a pha lo thung.

Vau sek, ning thin!
Hollywood superstar Johnny chuan Amber hian eng emawa inhauh deuh hlekah intihhlum ah a vau fo thin, a ti.
A nupui lakah ihtihhmingchhiatna thupui hmanga beilettu chuan a nupui actress ni bawk hi tawngkam na tak taka an inhauh hlek tawh chuan intihhlumah a vau sek a, vawi hnih kha mai ni lovin, vawi tam tak a sawi chhuak thin, a ti bawk.
“Ms Heard hian intihhlum chungchang hi vawi eng emawzat a sawi tawh a, hei hi a meizawnghlaptu pakhat a tling. Heti ang hriat reng tawh chuan Thluaka a tha lo zawngin hna a thawk a, hlauhna in ka khat thin,” tiin Johnny hian a sawi.
Nupa intihthiam loh vanga dawhtheihna zawng zawng hloh a, chhuahsan mai a tum te hian, ‘A tel lo chuan a nung zo dawn lo’ niin din chilh meuhin, a dang thin nia sawi bawkin, “Chhuahsan vawi tam ka tum thin a, elevator-ah te min dang a, security guard te nen.. a tap a, a au vak vak a, ‘I tel lo chuan ka dam zo lo vaang. Ka thi a ni mai,’ niin Court hmaah a sawichhuak a ni.
Johnna Depp hian 2018 kuma Washington Post chanchinbua a nupui hlui Amber-in a puhna leh mawhchhiatna chungchangah intihhmingchhiat thubuai siamsakin, tunah hian Court-ah chai laih laih a ni mek.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427