Serie A table chung berah AC Milan an chho lehnghal

AC Milan tan Sandro Tonali chuan goal hnih a khung zanah hnehna an chang a. Kum 11 chhunga a vawikhatna turin Serie A champion nih an hnaih zel.
Milan in Hellas Verona tlawhin inkhel an hmachhawn a, 3-1 in hnehna an chang haw.
Tun season a an elpui Inter Milan in Zirtawpni zanah Empoli 4-2 a an hneh avangin Milan in chak ngei ngei ngaiin inkhel an hmachhawn a. Stadio Marcantonio Bentegodi-ah goal chhuah hmasa zawkah an tang.
Inkhel thunun zawk mahse Darko Lazovic cross atangin wingback Davide Faraoni chuan Verona tan goal a khung.
Mahse Milan in halftime dawnah an chhanglet a, Rafael Leao thawhrah sengin Tonali chuan goal a khung. Chawlhlawk zawhah an pahnih bawka inkawp lehin Leao bawkin Tonali goal khung tur a siamsak a. Huntawp hma in substitute Alessandro Florenzi chuan an goal thumna a khung.
Milan coach Stefano Pioli chuan, “Tumahin champion tur an inrinsiakah min ring lem lo. Mahse tunah hian kan thawhrah kan seng mek a, kan intlansiakna erawh a la tawp lo.” a ti a.
“Inkhelh hma in Zlatan-a’n team a fuihna a mawi hle. Scudetto leh UCL chawi te hi Milan chuan a hre reng thin. Hriat reng kan nihna turin match thum a la awm” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427