State level sub committee-in kumin atan Green Mizoram Day nikhata sawn hma rawt

State level sub committee on Green Mizoram chu nimin khan an Chairman, Environment, Forests & Climate Change Minister TJ Lalnuntluanga hovin an thukhawm a. Kumin June ni 11, Green Mizoram Day chu Inrinni a nih avangin, June ni 10 Zirtawpni-a hman an rawt a. Kumin thupui atan ‘Thi- ngphun la, tui hna siam rawh’ tih an rawt bawk.
Kumin Green Mizoram Day-ah tuihna humhalh leh tihpunna tura thingphun uar a tul zia zirlaite leh mipuiah a zau thei ang bera inzirtir an rawt.
State level Green Mizoram Day programme Ceremonial Tree Planting chu Aizawla Tlawng kam hmun remah hman ni se, an ti a. DFO tin ten lui hnar leh tui hna tihpun nan lui kamah thing phunna ceremonial planting chu neih ni se, an ti.
Environment, Forests & Climate Change Minister chuan hripui a kiam deuh tak avangin kuminah Green Mizoram Day chu mumal taka hman tum a nih thu a sawi a. Mizoramah mai ni lo khawvel pumah tuihnate a kang chat chak hle tih saawiin, “Tuihna kan tihpun loh chuan hun lo kal zel turah tui kan harsa viau thei niin a lang a, a pumpelhna tha ber chu tuihna te a lo pun nan thing phun uar a, lui hnara thing leh mau cheureu tur ven leh humhalh a ni, a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427