Europe huap inelna uma intlansiakah Fiorentina in Roma an hneh

Fiorentina in inkhel tan atanga minute 11 chhungin goal hnih an khung a. Thawhtanni zanah AS Roma 2-0 a hnehin season thar a Europe huap inelna khelpha tura intlansiaknaah hnehna pawimawh an chang.
Artemio Franchi Stadium-ah tunhnaia league a che tha tluang lo team pahnih an intawng a. Mualneitu lamin minute 5-naah penalty an hmuh. Nicolas Gonzalez chu Rick Karsdorp chuan ti tlu in penalty a hlawhchhuah chu goal-ah a chantir nghal a. Minute ruk hnuah Roma tlarhnung in Giacomo Bonaventura chu duhthusam a ball pet theihna hun an pek avangin an goal hnihna Fiorentina in an khung.
Roma in Europa League final lut tura Leicester City hmachhawn team atang player ngai pakua an chhawr a, mahse hnehna chang lovin a zawnin league match vawi nga an kal tawh.
Fiorentina hi a zawna match li chak nei lo an ni ve thung a, Thawhtanni zana an chak avangin pasarihnaah an inhlangkai.
Fiorentina coach Vincenzo Italiano chuan, “Tunhnaiah kan chet fuh loh leh thin avangin heng point thumte hi kan mamawh hle. Season tha kan hmang a, chuvangin kan inthlahdul loh chuan tu tan pawh a hmachhawn har tak kan ni.” tiin an inkhel zawhah a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427