Kum kalta 2021 ch- hung khan Lung- lei district-ah malaria hrik kai 1855 hmuh- chhuah awmin, heng zinga 1629 te chu Malaria Pf an ni a, mi 226 te chu Malaria Pv an ni thung.
Lunglei district ma- laria officer Dr Lalrinthangi’n a sawi danin, nikum chhung vek khan Lunglei district-ah malaria ava- nga nunna chan mi 2 an awm a, nunna chan te hi Malaria Pf ve ve niin, Zawlpui khua mipa 1 leh Bazar Veng Lunglei mi hmeichhia 1 an ni.
Kumin March-a malaria test runpui neihah mi 54597 test atangin Lunglei district-ah hian malaria hrik kai 456 hmuhchhuah an ni a. Heng zinga za-a 50 te chu natna langchhuak lo (asymptomatic) an ni a, kuminah malaria avanga nunna chan Lunglei district-ah an la awm lo.
Lunglei district ma- laria officer Dr Lalrinthangi chuan mala- ria chu ngaihthah chi a nih loh thu sawiin, malaria tam hun a nih chhoh dawn avangin inven fimkhur a pawimawh takzet tih a sawi a. Thosilen zar hnuaia mut ngei ngei chu malaria laka invenna tha ber a nih thu sawiin, uluk taka thosilen hmang hram hram turin mipuite a chah bawk.
Lunglei district task force on elimination of Malaria chu tunkar Thawhlehni tlai khan an chairman Lunglei Bawrhsap Kulothungan A hovin an thu- khawm a. Lunglei Bawrhsap chuan Lunglei district chu Mizorama malaria vei tam lamah pahnihna a nih thu leh malaria do kawngah tih tur tam tak a awm tuh a sawi a. Line department-te chu tangruala anmah- ni zawn theuha mawh- phurhna tha taka hlen tura chahin an mamawhte thlen thuai thin turin a chah bawk a ni.