Karliam ta eng emaw chen atang khan Johnny Depp leh Amber Heard te inkhinbuaina hi sawi hat hat tling a ni tawh a. Tunah hian Snapchat-ah ‘crying filter’ thar chu court-a Amber-i lungchhe taka awm lai nen sawizawm niin, a lar hle.
Amber hian a chunga thil thleng a sawi lai hian lungchhe takin a awm a, hemi hnu deuh maia Snapchat-in crying filter thar a siam chhuak nghal mai hian zawhna a titam. App companyu erawh chuan Amber nen inzawmna pakhatmah an nei lo, a ti ve thung.
He filter hi thla ruk liam ta atang tawha an buaipui niin, Snapchat hian a sawi a, court-a Amber-in lungchhe vankai inbunruahna nen khan sawi zawm theih a ni lo,tiin an puhna hi nasa takin an pha.
Snapchat-ah he filter hian hlut a hlawh miah miah hle a, chanchin buatsaih lai hian he filter vawi billion 1.3 chuang hman a ni tawh.
Amber rual hian ‘The Kapil Sharma Show’ -a Salman Khan lan dan video pawh dahluh a ni ve bawk a, ‘cyring video’ hi user te’n an in post siak nasa hle bawk.
Karhmasa khan Amber chuan a pasal hlui Johnn Depp-a’n mipat hmeichhiatna lam hawiin a khawih na hle niin, court hmaah lungchhe takin a puang a, Zu bottle nena a chet dan hi a hlauhawm hle a, hemi hnu hian a vau nasa hle niin, a tarlang.
INPUH TAWNNA
Karhma lam tho khan Ms Sheard hian a pasal hluiin ‘Pineapple Express’ leh ‘The Adderall Diaries’ a a chanpui Mr Franco nen hian a ringhlel thin hle a, thikna nasa tak vangin Boston atanga Los Angele panna an thlawh laiin Mr Depp thinrim insum thei lo chuan na takin a pet, niin Court hmaah a puang.
“Ka hnungah na takin min pet a, chhuatah ka tlu chiang hle. A hmuna awm te an ngawi vek. Engmah an ti hek lo. Thlawhna chhung kha a reh tlawk tlawk a, hriau tla ri te pawh a hriat theih hial ang,” a ti bawk.
He thil thlen hnu hian New York-ah a pasal hlui hian ngaihdam a dil a, a ruih buai tawh lo tur thu te bakah insiam that a tum thu thlengin a hrilh niin, a sawi.
A nupui lakah ihtihhmingchhiatna thupui hmanga beilettu chuan a nupui actress ni bawk hi tawngkam na tak taka an inhauh hlek tawh chuan intihhlumah a vau sek a, vawi hnih kha mai ni lovin, vawi tam tak a sawi chhuak thin, a ti bawk.
“Ms Heard hian intihhlum chungchang hi vawi eng emawzat a sawi tawh a, hei hi a meizawnghlaptu pakhat a tling. Heti ang hriat reng tawh chuan Thluaka a tha lo zawngin hna a thawk a, hlauhna in ka khat thin,” tiin Johnny hian a sawi.
Nupa intihthiam loh vanga dawhtheihna zawng zawng hloh a, chhuahsan mai a tum te hian, ‘A tel lo chuan a nung zo dawn lo’ niin din chilh meuhin, a dang thin nia sawi bawkin, “Chhuahsan vawi tam ka tum thin a, elevator-ah te min dang a, security guard te nen.. a tap a, a au vak vak a, ‘I tel lo chuan ka dam zo lo vaang. Ka thi a ni mai,’ niin Court hmaah a sawichhuak a ni.
Johnna Depp hian 2018 kuma Washington Post chanchinbua a nupui hlui Amber-in a puhna leh mawhchhiatna chungchangah intihhmingchhiat thubuai siamsakin, tunah hian Court-ah chai laih laih a ni mek.
Kum 58 mi Johnny hian a nupui kut a thlak ngai lo, a ti ve thung a, a nupui zawk chu kutthlak chingah a puh. Johnn hian Amber (36) hi intihhmingchhiat thubuaiah $Maktaduai 50 in a khing. A nupui pawh hian $Maktaduai 100 in a khinglet ve bawk.