Biakzina kalte chuanna bus kangah mi pali thi

Jammu-a Katra bulah passenger phur bus tlan lai a kan avangin a chuang mi pali an thi a, mi dang 20 velin hliam an tuar bawk tih police-in an sawi.
Bus-a chuangte Vaishno Devi biakzina kalte niin Katra atanga Jammu pana tlan niin kangmeiin a man thut a ni.
Katra hi Vaishno Devi hmun thianghlim tlawha zinte innghahkhawmna (base camp) a ni.
Additional Director General (ADG) of Police, Jammu Zone Mukesh Singh chuan tuna an chhui tawh chinah chuan puak thei eng emaw avanga kang a ni lo nia an hriat thu a sawi.
Police chuan forensic mi thiamte rang taka koh niin a kan chhan hi an chhui nghal tih an sawi.
Jammu & Kashmir Lieutenant Governor Manoj Sinha chuan chhiatna thleng pawh a tih thu leh a tuartu chhungkuate a tawrhpui tak zet tih a sawi a. Hliam tuarte pawh rang taka an dam chhuah leh theih nan a tawngtaipui tih a sawi.
“Katra-a bus-a chhiatna thlenga nunna chân an awm hi pawi ka ti tak zet a. A tuartu chhungkuate ka tawrhpuiin hliam tuarte pawh an dam leh thuai theih nan ka tawngtaipui a. District thuneitute pawh hliam tuarte a tha thei ang bera enkawl tura hriattir an ni,” tiin L-G pisa chuan Twitter-ah a tar lang.

Leave a Reply

Your email address will not be published. Required fields are marked *

error: Content is protected !!