Box Office-ah KGF 2-in ‘Heropanti 2’ hnimpil

Bollywood star Tiger Shroff leh Tara Sutanira channa, ‘Heropanti 2’ chuan ni 14 hnu ah pawh box office-ah hniam lam pan zelin, Yash chana, ‘KGF 2’ in a hnimpil chiang.
‘Runway 34’ nena tlangzarh rual film hian mipui a kokhawm hlei thei meuh lova, kar hnih hnu ah cheng vaibelchhe 27 vel bak a lalut lo.
KGF 2 hlawhtlinna leh Dr Strange 2 tlangzarh boruak a ring hle a, hei hian Tiger Shroff channa, ‘Heropanti 2’ a vaw chau vek a ni ber. Report tarlan zel danin, tunkar tawp hian cheng vaibelchhe 30 vel a lalut thei tura ngaih a ni lek.
Hetih lai hian, KGF 2 ve thung erawh cheng vaibelchhe 1200 a hnaih tawh hle a, thla khat hnu ah pawh hniam lam a pan duh thak lo. A hlawhtlinna a mar tha hle.
Heropanti 2 hi April 29 khan tlangzarh a ni a, he film-a music hi AR Rahman buaipui niin, lyric erawh Mehboob a ni. Hmelma ho tawmbuk luhchhuah a, phindarh tura sorkarin a tirh mi pakhat chungchang niin, ruahman angin thil a kal lo hlauh. Hmelma sipai hotulu emaw tia an lo dawngsawng hlauh mai khan thil a tichi-ri buai khawlo vek a ni ber.

Leave a Reply

Your email address will not be published. Required fields are marked *

error: Content is protected !!