Naupang bengngawng & tawngtheilo te sikul Ephatha Special School tan SEDP atangin Rs. nuai 2 ruahman

Human Resource Development Board Vice Chairman L. Thangmawia’n ni- min khan Vohbik (bengngawng & tawn- gtheilo) te tana Eph- atha Society of Mizoramin an din Ephatha Special School, Kuli- kawn ami a tlawh a. School Education Mi- nister Lalchhandama Ralte-in Ephatha Speci- al school tanpui nan SE- DP atangin Rs nuai 2 a ruahmansak thu a sawi.
HRD Board Vice Chairman chuan Eph- atha Society hmalakna fakin, harsatna tam tak paltlanga mithahnemngai ten naupang bengngawng leh taw- ngtheilote tana sum, tha leh zung senga rim taka an lo thawk chu lawmawm a tih thu a sawi a. Sorkar laipui leh Mizoram sorkar pawhin vohbikte a ngaihpawimawh thu leh sikulah pawh Special Educator te pawh dah an nih thin thu a sawi.
Sorkar lam atanga puih theihna awm apiangah puih zel an nih tur thu HRD Board Vice Chairman chuan sawiin, danin a phal a nih chuan Lumpsum GIA pawh kumtin an hmuh ve theihna turin thuneitu sang zawkte hnenah a thlensak tur thu a sawi bawk.
HRD Board Vice Chairman chu Epha- tha Society of Mizoram hruaitu ten an pawl din chhan leh an hmalaknate an lo hrihfiah a. An pawl chu February ni 28, 2012 a din a nih thu leh school chu kum 2016-a an hawn \an thu te lo hrilhin, Rev. S. Lalmuana’n Vaivakawn-a a building chu an pawl pisa atan a thlawna a luah tir thu te an lo hrilh.
Mi thahnemngaite atanga tanpuina an dawn thin thu sawiin, sorkar leh Synod partnership atanga tanpuina an dawn thu te, Aizawl West-II bialtu Lalruatkima’n MLA fund a lo pek tawh thu leh a tul apiang a buaipuisak thin thu te sawiin an lawm hle tih an sawi a. School atana an luah lai luah chhunzawm a remchan loh avanga an buai thu Chief Minister Zoramthanga leh School Education Mi- nister Lalchhandama Ralte hnena an thlen thu hnuah tuna an luah tak Kulikawn-a RMSA building chu sorkarin luah hawh a phalsak avang leh Kulikawn khawtlang hruaitu ten tha taka an lo dawnsawn avanga an lawm thu an sawi bawk.
HRD Board Vice Chairman hi H&FW Board Vice Chairman Dr Z.R. Thiamsanga bakah bialtu MLA Lalchhuanthanga, Dy Director I&PR Mina Zoliani, Addl SPD Samagra Shiksha C. Lalthanzira, Asst. Commissioner, Person with Disability (PwD) G. Lalhmingthangi leh Kulikawn khawtlang hruaitu ten an tawiawm a. Vohbik naupang ten kut tawng (sign language) hmanga ‘Ro Min Rel Sak Ang Che’ tih hla sain an lo dawngsawng a ni.

Leave a Reply

Your email address will not be published. Required fields are marked *

error: Content is protected !!