Palina inchuhna a inhawng – North London derby-ah Tottenham in Arsenal an vel

Tottenham Hotspur in an hmelma Arsenal nen season thar a UEFA Champions League khelpha tura intlansiaknaah hnehna pawimawh tak an chang a. Gunners chungah ‘pressure’ nasa zawk siam turin 3-0 in an hneh.
Ningani zanah Tottenham Hotspur Stadium a inkhelah Arsenal in palina dinhmun tihchian theihna hun an nei a. Mahse an tum ang lo takin inkhel a kal.
Harry Kane chuan minute 22-naah penalty atangin an goal hmahruai a khung a. Minute 37-naah an goal hnihna khungin second half tan tirah penalty hlawhchhuaktu Son Heung-min chuan an goal thumna a khung.
Arsenal hi first half-ah kim lovin an khel hma hle a, Rob Holding chu yellow card pek nawn a nih avangin minute 33-naah hnawhchhuah a ni.
Tottenham boss Antonio Conte chuan, “Chak ngei ngei ngaihna inkhel hi a awlsam ngai lova, kan chungah pressure nasa tak a awm. Player te leh fans ten inkhel boruak nuam tak an siam a, chak ngai inkhel pahnih kan la hmabakah pawh kan beisei leh ang.” a ti.

Leave a Reply

Your email address will not be published. Required fields are marked *

error: Content is protected !!