Zualbawihi’n ‘Nunrawng Hmeltha’ Music Video peih fel

Hlaphuah thiam boral ta Dokamlova hla phuah, ‘Nunrawng hmeltha’ music video chu Zualbawihi’n a peih fel ta.
He hla hi 2017 daih a a record niin, tih chhuah loha rei tak a awm hnuah tihchhuah mai theih tur in Zualbawihi chuan a peih fel.
Zualbawihi chuan, “He hla hi nalh ka ti em em thin a, Pa Dka dam lai khan amah pawh khan sa tur in min ti fo a, mahse hunlo taka min boralsan tâk hnuah ka record thei ta chauh erawh ka inthiamlo hle.
“Amah ngei khan ngaithla ve hman se ka duh a, mahse tunah a duhthusam ang ngei a ka sa thei ta hi a lawmawm ka ti em em a, ka ngai hlu tak zet,” a ti.
Cable Tv lamah hla thar dah vaklo mahse Zualbawihi hi a reh mai lo a, a khât tawkin ama Official youtube channel lamah hian hla thar a upload ve char char a, Pathian fakna hla leh hnamdang hla a cover a dah nasa a, zai hi chawlhsan mai ala tum lo.
“Pathian zara ka dam phawt chuan zai hi chawlhsan ka tum lo a, hla thar neih zel ka tum a, ka hla thar te hi cable tv ah ka dah vek zel lem lo a, mahse ka youtube channel Zualbawihi Official channel ah erawh ka dahchhuak zel thung,” a ti ani.
‘Nunrawng hmeltha’ tih hla hi Rka, 3 Brother’s Recording studio kutchhuak ani a, videography hi Thatea kutchhuak ani thung.

Leave a Reply

Your email address will not be published. Required fields are marked *

error: Content is protected !!