Sikkim police chuan India football team captain thin, Bhaichung Bhutia-a lem (effigy) haltu mi pakua chu Namchi, South Sikkim district-ah an man.
Inkharkhip an kalpui mek bawhchhiaa tharum thawha chea puha man an ni tih police hotuten Thawhtanni khan an sawi.
South Sikkim SSP Thakur Thapa chuan an mi mante hi bail-a an chhuahtir lehnghal thu a sawi a. Inhnamhnawih dangte pawh an zawng zui mek a, an man thuai tur thu a sawi bawk.
Thakur hian an mi mante hi Dakshin Sikkim Nari Sangh member an nih thu leh kar hmasa lamah khan inkharkhip bawhchhiain Namchi khuaah hian kawng an zawh niin a sawi.
Bhaichunga lim hi Namchi-a damdawi in khum 300 awmna siam tum a dodal vangin an hal nia sawi a ni.