West Bengal-a Barrackpore bialtu, BJP MP Arjun Singh chuan Pathianni khan Trinamool Congress a zawm let leh a, General Secretary Abhishek Banerjee-a’n a lawm lut.
Singh hian a hmain Trinamool MP-in a tlawh thu leh jute chungchang an sawi dun thu a lo sawi tawh.
Kum 2019-a Bengal assembly inthlan dawnah khan Singh-a hian Mamata Banerjee kaihhruai TMC hi chhuahsanin saffron party hi a zawm a ni.
Abhishek hian Twitter-ah Singh-a an lak luh leh thu hi tar langin BJP-a inthen darhna boruak awm chu ningin a kir leh ta niin a tar lang a. “Ram chhunga mipuite hian an tuar nasain tun hma zawng aiin min mamawh zual a, kan bei zel dawn a ni,” a ti.
TMC-a lawm luh a nih leh hma lawk hian Barrackpore MP hian jute chungchanga tun hnaia harsatna awm chu sorkar laipuiin thil a kalpui dan fel lo vangniin a sawi a, thenkhat chu state thuneituten an enpui thu leh an sawiho thu a sawi.
A bial leh a chhehvela jute factory tam tak chu an talbuai a, hei hi politics thil vel vang a nih thu a sawi bawk.