Federation of Mizoram Government Employees and Workers (FMGE&W)-in DA pung an ngen hi an dikna chanvo a nih avangin tihhlawhtlinsak turin People’s Conference (PC) party chuan Mizoram sorkar an ngen.
Thawhlehni chhun khan PC party chu President Lalhmangaiha Sailo kaihhruaiin an party pisa-ah Office Bearers meeting an nei a. Thutkhawmah hian sorkar hnathawk inzawmkhawm pawlin DA pung an ngen te, pension kum atana kum 62 hman ngenna leh rawtna awmte chu tha an tihpui thu leh tihhlawhtlinsak ngei turin Mizoram sorkar an ngen tih an sawi.
Lalhmangaiha Sailo chuan sorkar hnathawk dinhmun pawimawh tak tak chelh, a nghet loa hun tei tak tak thawk tawh, mi thiam leh hman tlak, hna thawktu ber ni chunga dinhmun derthawng taka awm tam tak te tana a ngheta thawhna kawng hawng turin sorkar department kalphung siamthat a ngai nia PC party in an hriat thu a sawi bawk.