Aizawl: Dr.Lalhriatzuali Ralte IAS, Deputy Commissioner leh Chairman Nasha Mukt Bharat Abhiyaan, Aizawl District kaihhruaina hnuaiah nimin khan Aizawl S.P Conference Hall-ah Aizawl District huam chhunga Kohhran hrang hrang hruaitu-te, MKHC aiawh te nen thalaite zinga ruihhlo hman sual hluar zel chungchang leh a venna kawnga hmalak dan tur te sawihoin an thukhawm.
Kohhran hrang hrang Naupang Sunday Sikulah hmalak theih dan turte sawiho a ni a. Kohhran hrang hrang rawngbawltu – Revival Speaker etc. te pawhin ruihhlo chungchanga hma an lak theih dan turte sawihoin, Campus Ministry-ah te hmalak theih dan tur te an sawiho bawk.
Ruihhlo chungchang a hmalakna kawngah Aizawl DC chuan mahni zawn theuhvah theihtawp tak meuh chhuah turin kalkhawmte a ngen nawn leh a ni.