Union Home Minister Amit Shah leh Meghalaya Chief Minister Conrad K. Sangma chuan Pathianni khan rei tak nghah tawh, Greater Sohra Water Supply Scheme chu Sohra, East Khasi Hills district-ah an hawng.
Hawnna inkhawmah hian DoNER Minister G Kishan Reddy, MoS for DoNER BL Verma leh MoS for Science & Technology Jitendra Singh, Meghalaya PHE Minister Renikton Lyngdoh te an tel bawk.
Greater Sohra Water Supply Scheme hi Meghalaya sorkarin a duan niin a siam nan hian DoNER ministry chuan kum 2019 khan NESIDS hnuaiah Rs. Vaibelchhe 24.08 a ruahman.
Project hian Sohra khua bakah a bul hnaia khaw 12 – Sderkariah, Khlieh Shnong, Maraikaphon, Pdengshnong, Nongrim, Pomsohmen, Nongsawlia, Mawkisyiem, Saitsohpen, Mawpunkyrtiang, Pynshadkhurai leh Kutmadan chu Wah Lyngksiar & Law Sanlait Spring Sources atangin tuiin a chawm dawn a ni.
Project hi mi 22,943-in an chhawr thei ang.
Mi pawimawhte hian Sohra Afforestation Project an hawng bawk a, hei hi state sorkar leh DGAR (Assam Rifles) tanghova an siam a ni.
Sohra Afforestation Project-ah hian ram hectare 3,000-a zauva thing phun te, hectare 3,000-a zauva Silvi/Aromatic/ Pastoral Development siam te, hectare 2,000-a zauva fuelwood plantation siam te leh hectare 1,000-a zauva hmunphiah chinte pawh a tel a ni.