Thla thar a Asia khawmualpui huap Taekwondo inelna lian a tel turin Mizo taekwondoist pathum thlan an ni.
June 24 atanga 27 inkar hian Chenchuan, South Korea-ah Asian Taekwondo Championship khelh a ni dawn a. Hetah hian Mizo player pathum – Lalthlamuanpuia, Venghlui; Daniel Lalhumthanga, Chhinga Veng leh H. Vanlalfela, Armed Veng South te chu Poomsae inelna hmachhawn turin an thlang.
Mizo player pathumte hian Regular Team Poomsae-ah an khel anga, H.Vanlalfela’n Freestyle Individual Poomsae khel tura thlan a nih angin a India tan a in lan bawk ang.
India aiawh tur thlanna hi May 20 atanga 26 chhung khan Lucknow, Uttar Pradesh-ah neih a ni a. Selection Committee member a ruat Master Joseph Thansanga, Electric Veng chu Lucknow-ah hian a tel ve a. He Selection committee hian Taekwondo Federation hruaitu inthlan thar hma chu India aiawha kal turte thlannaah mawh an la rih dawn a ni.