Sairang Dinthar-a Mizoram Football Association (MFA) Ground kianga hostel sak mek chu zawh fel a nih hunah MFA-in Residential Football Academy din a duh a, nimina MFA Annual General Body Meeting chuan a pawmpui.
Meeting-ah hian Mizoram-ah Centralised Registration System (CRS) hman tura rawtna te, referee tam zawk neih theihnan, District FA tin atangin member tel zat tur tukin Development Course neih ni rawh se tihte pawm a ni bawk.
Kum 2022-2023 season thara MFA Cup thleng turin Khawzawl DFA chu meeting-ah hian thlan a ni a. Junior Boys (Under 17) championship thleng turin Kolasib DFA ruat niin, Inter District Women’s Championship khelhna tur erawh ruahmanna la siam leh tura dah a ni thung.