Kum 2020 French Open champion Iga Swiatek chu tun tuma Roland Garros a inelnaah a hma a ding tawhten an la ngam lo thei hle a. 6-0 6-2 a chakin third round a lut.
Ningani zanah world number one ni lai hian Alison Riske chu minute 61 chhungin a hneh a. Round hmasa zawkah minute 54 chhungin hnehna a chang tawh.
Swiatek hi tunhnaia match 30 a khelhah a la chak vek a, Paris a inelnaah hi a la a nih chuan WTA Tour-ah tun season-ah a zawna vawi ruk a champion-na a ni ang.
Hetihlai hian player langsar tla an awm belh a, champion hlui Simona Halep chuan Zheng Qinwen nen an inkhelhin a thawk lamah buaina tenau a nei a, 2-6 6-2 6-1 in a tlawm.
Wimbledon runner-up Karolina Pliskova pawh 6-2 6-2 in world number 227 Leolia Jeanjean lakah a chak lo.