A hun takah captain Hardik Pandya a inlar a, Ahmedabad-ah anmahni tuallaiah ngei mai mipui nuai khat hmaah Gujarat Titans in Indian Premier League trophy an chawi.
Toss a vannei Rasjasthan Royals in vuak an thlang a. Hardik Pandya chuan an batting nghaisa hneh hle in over 4 a vawm chhungin batsman paiwmawh pathum Jos Buttler, Sanju Samson leh Shimron Hetmyer a chhuahtir.
Royals batting in a tuar a, over 20-ah run 130 bak an tlin lo. Ball hmangin Royals in Wriddhiman Saha leh Matthew Wade chhuahtir hma ve bawk mahse Hardik-a’n ball 30 atang run 34 a siam a. Shubman Gill (45*) leh ball 19 atanga run 32 siam David Miller ten a tawp an khar.
Gujarat Titans hi tun season-ah IPL team thar pahnih zing ami an ni a, an season hmasa berah an champion.