Manipur-a Thoubal district, Khongjom-ah Thawhtanni khan community hall-ah improvised explosive device ni ngeia hriat a puak a, hnathawk lai pakhat thiin mi dang paliin hliam an tuar bawk niin police chuan an sawi.
A tirah tumah thi an awm lo va, mi pali hi hliam tuar chungin district hospital-ah lak nghal an ni a, a hnuah kum 21 mi, Pankaj Mohato chu a thi a ni.
Hliam tuarte hi Aroop Mandal, 30, Apoorva Mandal, 25, Rajesh Ramaanik, 19, leh Souvik Patra, 18, te an ni.
An vai hian thil sakna hmuna thawk niin community hall-ah hian an inkulh a, water supply tank siam hna thawk mek lai an ni a. Police chuan thil puak hi eng nge a nih tak an la hre lo va, a chhan pawh an la sawi thei lo tih an sawi a. Forensic thiam leh bomb disposal team koh niin an chhui zui mek tih an sawi.
Khongjom police station-a officer chuan thubai an ziah luh thu leh an chhui mek thu a sawi.