Tripura-a eptu party, CPI (M) chuan Thawhtanni khan Prime Minister Narendra Modi-a’n ral atanga sorkar atanga hamthatna dawngtute Agartala-a kawm a tum chu Model Code of Conduct bawhchhiatna a nih thu sawiin Chief Electoral Officer hnenah action la turin an thlen.
“Vawiina Agartala-a ‘Syandan Patrika’ chanchinbuin ‘PRADHNMANTRI AAPNIO?’ tih thupui hmanga thu a chhuah hi dan bawhchhiatna a ni a. He chanchintharah hian prime minister-in ral atangin Tripura-a May 31, 2022-a MGNREGA leh UJALA Yojana scheme chhawrtute kawm a tum thu tar lan a ni a. Prime minister pisa chuan DM & Collector pariatte chu puangzar tur leh mi tam thei ang berin screen liana hmun hrang hranga enna siam turin a ti bawk a ni,” tiin lehkha an thehluhah an tar lang.
CPI (M) chuan prime minister hian sorkar laipui leh state sorkarin hamthatna leh scheme pawh a hawng dawn a, hengte hi MCC hmannaah chuan a theih loh thu an tar lang bawk.
Tripura-ah hian assembly bial pali-ah bye-election neih a ni dawn a, hei vang hian district pahnih pum leh district pakhata hmun thenkhatah MCC hi hman mek a ni.