Inter Milan chief executive officer Giuseppe Marotta chuan tun nipui a club chhuahsan tur Juventus forward Paulo Dybala chu lakluh an duh a, an club nen inbiakna an neih hlawhtlin ngei a beisei thu a sawi.
Inter hi Juventus elpui ber zing ami nimahsela tunhnaiah San Siro lam Dybala hian a pan mai thei niin sawi thawm a ring zual hle a. Inter in Ivan Perisic an chhuahtir dawn hnuah an tlarhma siamthat an duh.
“Dybala hi a inkhelh lehna tur zawhna a tam a. Infiamnaah chuan dawt pawisawi lo thu leng vel hi a tam thin. Tun dinhmunah chuan engmah hriat ni lo mahse keinni lam atang chuan kan hnena a lo luh ngei beiseina lian tak a awm.” a ti a.
An club chetdan tur sawifiah bawkin, “Hmanhmawh avanga thil tih pup pup kan tum lova, kan team laimu hi a la ngai reng dawn, a belhchhahna tur player kan dap ang.” tiin a sawi bawk.